Javascript DHTML Drop Down Menu Powered by dhtml-menu-builder.compt type="text/javascript">
 

پەیامی مستەفا هیجری بە بۆنەی کۆچی دوایی مامۆستا کەریم زەند

بنەماڵەی بەڕێزی مامۆستا کەریم زەند

 

هەواڵی دڵتەزێنی کۆچی دوایی مامۆستا کەریم زەند مێژوونووس و جوغرافیزانی کوردستانمان پێگەیشت.

 

ئەو تێکۆشەرە ماندووینەناسە بێجگە لە چاپ و ئامادە کردنی ژمارەیەک لە کتێب و بابەت سەبارەت بە هەموو بەشەکانی کوردستان، لە هەر بەشێک هەستی کردبا خزمەتێکی لە دەست دێ پێشوازی لێ دەکرد، هەر وەک چۆن لە سەردەمی کۆماری کۆردستاندا خۆی گەیاندە مەهاباد و ماوەیەکی زۆر لەو شارەدا وەک مامۆستایەک لە قوتابخانەکاندا وانەی زمانی کوردی فێری قوتابیان دەکرد.

 

کۆچی دوایی ئەم کەسایەتییە نیشتمانپەروەر و چالاکە جێگای خەم و پەژارەمانە، هەر بەم بۆنەوە سەرەخۆشی لە بنەماڵەی ئەو بەڕێزە و هەموو دۆستان و ئاشنایانی دەکەم و لە خەمی لە دەستدانیدا خۆم بە شەریکیان دەزانم.

 

 

حیزبی دێموکراتی کوردستانی ئێران

سکرتێری گشتی

مستەفا هیجری

 

١٩ی ڕەزبەری ١٣٩٦ی هەتاوی

١١ی ئۆکتۆبری ٢٠١٧ی زایینی

10/11/2017 12:00:00 AM
All Rights Reserved sikirter.org 2009 ©