Javascript DHTML Drop Down Menu Powered by dhtml-menu-builder.compt type="text/javascript">
 

بەشداری بەڕێز مستەفا هیجری لە ڕێوڕەسمی بەخاک‌سپاردنی و پرسەی مام جەلال

شاندێکی حیزبی دێموکراتی کوردستانی ئیران بە سەرپەرەستی "مستەفا هیجری" سکرتێری گشتیی حیزبی دێموکراتی کوردستانی ئێران لە ڕێوڕەسمی پرسە و سەرەخۆشی جەلال تاڵەبانی سەرکۆماری پێشووی عێراق و سکرتێری گشتیی یەکیەتیی نیشتمانیی کوردستان‌دا بەشداری کرد.

ڕۆژی شەممە ڕێکەوتی ١٥ی ڕەزبەری ١٣٩٦ی هەتاوی شاندێکی حیزبی دێموکراتی کوردستانی ئیران بە سەرپەرەستی "مستەفا هیجری" سکرتێری گشتیی حیزبی دێموکراتی کوردستانی ئێران لە ڕێوڕەسمی پرسە و سەرەخۆشی جەلال تاڵەبانی سەرکۆماری پێشووی عێراق و سکرتێری گشتیی یەکیەتیی نیشتمانیی کوردستان‌دا لە هەولێر بەشداری کرد.

شاندی حیزبی دێموکرات لە لایەن هەیئەتێکی پایەبەرزی یەکیەتیی نیشتمانیی کوردستان و پارتی دێموکراتی کوردستان بە سەرپەرەستیی "سەعدی ئەحمەد پیرە" و ''فازڵ میرانی" پێشوازیان لێکرا.

ڕێوڕەسمی پرسە و سەرەخۆشی مام جەلال تاڵەبانی لە بارەگای سەرەکیی یەکیەتیی نیشتمانیی کوردستان بەڕێوەچوو و هەئیەتی حیزبی دێموکرات پرسە و هاوخەمی خۆی بە ئەندامانی سەرکردایەتی یەکیەتیی نیشتمانیی کوردستان گەیاند.

 هەروەها ڕۆژی هەینی ڕێکەوتی ١٤ی ڕەزبەری ١٣٩٦ی هەتاوی، هەیئەتێکی حیزبی دێموکراتی کوردستانی ئێران بە سەرپەرەستی بەرێز کاک مستەفا هیجری، بەشداری لە مەراسمی بەخاک سپاردنی بەڕێز، مام جەلال تاڵەبانی سکرتێری گشتی یەکیەتی نیشتمانیی کوردستان و سەرکۆماریی پێشووی عێراق لە سلێمانی کرد.

 

ڕێورەسمەکە بە بەشداری ژمارەیەکی یەکجار زۆر لە هەیئەتی رەسمی وڵاتان و هێز و لایەنە سیاسیەکانی کورد و باقی نەتەوەکانی تر، لە فڕۆکەخانەی نێودەوڵەتی سلێمانی دەستی پێ کرد و بەدانانی تاجە گوڵینە لە سەر تەرمی مام جەلال دەستی پێکرد.

 

دوای نیوەرۆ بۆ جاری دووهەم هەیئەتی حیزب بە سەرپەرەستی بەرێز مستەفا هیجری، لە دەباشان، شوێنی بەخاک سپاردنی سەرکۆماری پیشووی عێراق، بەشداری لە بەخاکسپاردنی تەرمی مام جەلال دا کرد.

 

هەر لەو رێوڕەسمەدا هەیئەتی حیزب چاوی بە ژمارەیەکی بەرچاو لە هێزو لایەنە کوردستانییەکانی هەرچوار پارچەی کوردستان کەوت و هاوخەمی حیزبی دێموکراتیان بە ڕێبەرایەتیی یەکیەتیی نیشمانی و بنەماڵەی تاڵەبانی ڕاگەیاند.

 

پێویست بە ئاماژەیە پاش کۆچی دوایی مام جەلال، دەفتەری سیاسیی حیزبی دێموکرات بەیاننامەیەکی بڵاوکردەوە و هەرەوەها بەڕێز مستەفا هیجری پەیامێکی سەرەخۆشی ڕوو لە بنەماڵەی مام جەلال و یەکیەتیی نیشتمانی کوردستان نارد.

10/11/2017 12:00:00 AM
All Rights Reserved sikirter.org 2009 ©